13.112 евра изнесува просечната годишна куповна моќ по жител во 42 европски земји. Тоа е за еден отсто повеќе во однос на една година порано, кога таа изнесувала 12.890 евра. Ова е наведено во најновата студија на глобалната истражувачка компнаија ГфК, под наслов „Куповната моќ во Европа 2013/2014“.
Европејците во 2014 година во целина на располагање за трошење имале 8.830 милијарди евра, но, сепак, постојат голем разлики во куповната моќ на луѓето, не само меѓу земјите, туку и меѓу регионите.
Во студијата, куповната моќ е дефинирана како номинално расположлива заработувачка, без данок и придонеси, пресметана по жител во евра и во индексни поени.
ГфК наведува дека европските жители ги трошат заработените средства на фиксни давачки, наемнини, греење, даноци, лична потрошувачка и други трошоци, како одомор или превоз.
Меѓу 42 земји опфатени со студијата, најголема куповна моќ, како и во претходната година, имаат жителите на Лихтенштајн кои за трошење имаат по 54.840 евра. На второто и на третото место, како и во ланската класификација, се Швајцарија со 37.153 евра по жител и Норвешка со 30.560 евра.
Луксембург со 28.851 евро по жител го задржа четврото место, а петтопласираната Данска со 22.044 евра напредуваше за две места. Австрија е шеста со 21.891 евра, пред Германија со 21.579 и пред Шведска со 21.230 евра.
Првата десетка на лисата ги заокружуваат Франција со 19.643 и Финска со куповна моќ од 19.379 евра по жител.
На листата најголем напредок, од две места, има Данска, додека за едно место напредувале Македонија, Белорусија, Босна и Херцеговина, Велка Британија, Германија, Естонија, Литванија, Малта и Хрватска.
Најголем пад, за дури четири мести, има Албанија, Шведска за три, Чешка за две, а Белгија, Кипар и Турција назадувале по едно место.
