fbpx

ВМРО-НП: МПЦ и провладините медиуми молчат за пораката на г.г. Кирил во Србија

-

ВМРО – Народна партија изразува длабоко жалење од целосниот медиумски мрак на провладините медиуми за посетата на московскиот и патријархот на цела Русија, г.г. Кирил на Србија, премолчувајќи ги кристално чистите и јасни негови пораки за статусот на МПЦ, се вели во реакцијата од партијата.

„Имено, рускиот патријарх на средбата со српскиот патријарх, недвосмислено порача дека МПЦ е неотуѓив дел од СПЦ. Како потврда на ова, следуваше и официјална средба со претставници на непризнатата црква во Македонија, Православната охридска архиепископија на расчинетиот владика Вранишковски. Дополнително, поканата на ПОА да учествува на богослужба заедно со руски и со српски православни свештеници во сослужение чиноначалствувано од рускиот патријарх и од српскиот поглавар, канонски ја определуваат позицијата на ПОА за нивна братска православна црква“, стои во соопштението од ВМРО-НП.

ВМРО – Народна партија очекува жестока реакција од Синодот на МПЦ за крајно негаторскиот однос на братските православни цркви на Русија и на Србија, кон МПЦ.

– На големо наше разочарување, немаше никаква реакција и од страна на официјалните власти во одбрана на правата на православните македонски верници претставени од МПЦ. Ваквиот дециден став на рускиот патријарх ги демаскира сите заговорници од власта и нејзините медиуми дека заради одбраната на идентитетот треба да се определиме за Русија како наш иден стратегиски партнер, со Србија како наш главен лобист. ВМРО – Народна партија постојано укажува на сите провокации и негирања што доаѓаат од Србија, а како по правило не наидуваат на никаква осуда од страна на власта. Премолчувајќи го и овој голем скандал, кој значи директно негирање на македонскиот идентитет, свесно нè фрла во прегратките на Србија. И за крај, дали огромниот порив на симпатии од власта кон Србија, ќе оди дотаму да резултира со дистанцирање од МПЦ и приближување кон ПОА“, се вели во соопштението од ВМРО-НП.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Откажани денешните и утрешните летови меѓу Скопје и Виена поради протест на вработените во „Аустриан Ерлајнс“

Вработените во „Аустриан Ерлајнс“ денеска, четврток и утре, петок (28 и 29 март) штрајкуваат поради несогласувања околу платите, што резултираше со откажување на околу 400 летови, што, пак, ќе...