fbpx

Зеленски објави фотографии од последиците од минираната брана Каховка

Претседателот Володимир Зеленски ветува дека ќе стори сé за да им гарантира на луѓето основа за живот дури и по катастрофата предизвикана од руските напаѓачи кои ја минираа браната Каховка, истакнал Зеленски на Телеграм, а пренесе Укринформ

-

Претседателот Володимир Зеленски ветува дека ќе стори сé за да им гарантира на луѓето основа за живот дури и по катастрофата предизвикана од руските напаѓачи кои ја минираа браната Каховка, истакнал Зеленски на Телеграм, а пренесе Укринформ.

„Секој терорист смета на своите резултати: страдање на луѓето, заплашување на луѓето и урнатините што теророт ги остава зад себе. Токму така постапува Русија во овој случај. Ќе направиме сè за да им гарантираме на луѓето основа за живот и по оваа катастрофа“, нагласи Зеленски.

Тој објави и серија фотографии на кои се гледаат последиците од терористичкиот напад на Русите во ХЕЦ Каховка.

Браната Каховка беше крената во воздух од руските сили за да ги спречат украинските сили да напредуваат во јужниот регион Херсон, изјави денеска украинската заменик министерка за одбрана, Хана Малиар.

Како што претходно објави Укринформ, ноќта на 6 јуни, руските војници ја разнесоа браната на хидроцентралата Каховка, предизвикувајќи поплави на делови од регионите Керсон и Миколаев.

Во тек е евакуација од поплавеното подрачје.

Во меѓувреме, украинската војска денеска извести за жестоки борби на истокот на земјата додека руските сили се обидуваат да преземат целосна контрола врз делумно окупираните региони Луганск и Доњецк.

„Противникот продолжува да ги фокусира своите главни напори на обидите за целосно окупирање на регионите Луганск и Доњецк“, соопшти Генералштабот на вооружените сили на Украина.

„Жестоките борби продолжуваат“, се вели во соопштението.

Зеленски вчера кажа дека започнала долгоочекуваната контраофанзива.

„Во Украина се случуваат контраофанзивни и одбранбени дејствија, но нема да кажам детално во која фаза се“, рече Зеленски.

Тој додаде дека најтешките битки се водат на источниот и на јужниот фронт.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Коалицијата ВЛЕН им зеде еден пратеник на ДУИ [инфографик]

Првичните неофицијални резултати од денешното прегласување на парламентарните избори на седум изборни места покажуваат дека ДУИ изгуби еден пратенички мандат, а коалицијата ВЛЕН (Вреди), доби еден пратеник плус во...