fbpx

Заев најави мерки против осомничениот функционер на СДСМ

-

На денешната прес-конференција во Владата, прашан од новинарите за најновиот развој на настаните околу случајот „Рекет“, премиерот и претседател на СДСМ, Зоран Заев, не сакаше да коментира поопсежно за случајот, во кој истрага се води и против висок функционер, но појасни дека „ќе има санкции“.

Заев рече оти од новинарите разбрал дека станува збор за пратеничката и потпретседателката на Собранието, Фросина Ташевска – Ременски.

– Ја добив информацијата дека има соопштение, а за кои лица се однесува, дека се работи за потпретседател на Собранието, тоа слушнав од вас. Нашиот став е секој пат кога лице е осомничено или обвинето, да преземеме мерки и санкции, времено отстранување на тоа лице, сè додека не си ја докаже својата невиност. Прво да прочитаме за што е тоа лице осомничено, треба да испочитуваме еднаков третман пред законите – рече премиерот.

Денеска Основното јавно обвинителство за гонење организиран криминал и корупција (ОЈО-ГОКК) соопшти оти е почната истрага уште за четири други лица и за Меѓународен сојуз на Бојан Јовановски – Боки 13, кои се товарат за измама, перење пари и помагање во овие дела.

„Воедно, едно од осомничените лица како функционер, заедно со првоосомничениот присуствувало на средбите организирани од првоосомничениот, при што го искористило својот углед и авторитет и оштетените стекнале впечаток дека зад понудените проекти стои извршната власт“, соопштија од обвинителство.„Рекет“ се проширува со уште пет лица и „Меѓународен сојуз“ на Бојан Јовановски – Боки 13.

Основното јавно обвинителство за гонење на организиран криминал и корупција (ОЈО-ГОКК) денеска почна истражна постапка против пет лица и едно правно лице за измама. Всушност, станува збор за Меѓународниот сојуз на Боки 13, односно тој како претседател и други лица од Сојузот, но и еден функционер, се товарат за измама, перење пари и помагање во овие дела.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Невреме ја зафати Македонија: Заглавено семејство во Јегуновце, падна ограда врз две возила во Автокоманда

Поради обилни врнежи од дожд проследени со град што ги зафатија скопскиот, тетовскиот и гостиварскиот регион на патниот правец Скопје – Тетово – Гостивар има одрони и помали свлечишта...