fbpx

Во руските напади врз Украина за само 5 дена загинале 90 цивили, меѓу кои две деца

Секој случај на смрт на цивили ќе биде независно верификуван од Мисијата, се вели во соопштението на Набљудувачката мисија на Обединетите Нации за човекови права во Украина

-

Набљудувачката мисија на Обединетите Нации за човекови права во Украина регистрирала 90 смртни случаи на цивили во Украина, вклучително и две деца. Вкупно 421 лица се повредени во 12 региони откако Русите лансираа проектили и беспилотни летала кон Украина на 29 декември. Ова се тврди во извештајот на Мисијата објавен на Фејсбук, пренесува Укринформ.

„Овде се вклучени гранатирањата и ракетните напади во кои наводно загинале осум цивили, а 29 се повредени во областите окупирани од Русија, во регионот на Доњецк. Секој случај на смрт на цивили ќе биде независно верификуван од Мисијата“, се вели во соопштението.

Набљудувачката мисија на ОН извести дека нејзиниот персонал го посетил квартот Соломјански во Киев и соседниот град Вишневе, каде разговарале со жителите чии куќи биле уништени или сериозно оштетени за време на рускиот ракетен напад на 2 јануари.

„Многу од нив се засолниле во блиското училиште, кое исто така беше оштетено од нападите. Покрај загубата на животи и повредите кои им го сменија животот, жителите ја опишаа болката од губењето на нивните домови и на целиот свој личен имот“, велат од ОН.

На 2 јануари 2024 година, руските трупи гранатираа над 15 населби низ регионот Харков со артилерија и минофрлачи.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Димитров: Грција и Северна Македонија постигнаа договор во Преспа, не се враќајте назад

При полагањето на заклетвата, претседателката Гордана Сиљановска Давкова ја испушти придавката „Северна“ и рече само „Македонија“, и покрај тоа што истиот ден потпиша официјална заклетва под уставното име на...