fbpx

Во пресрет на Рамазан, Шолц повика на траен прекин на огнот во Газа

Тој рече дека е вознемирен поради зголемената загриженост на муслиманите во Германија за нивната сопствена иднина во контекст на десничарските разговори за протерување на „непожелните“ од земјата

-

Германскиот канцелар Олаф Шолц повика на прекин на огнот во Појасот Газа, „по можност веќе за време на Рамазан“. Тој вчеравечер преку видео порака рече дека примирјето треба да обезбеди ослободување на израелските заложници и поголема хуманитарна помош за Палестинците, пренесе германската новинска агенција ДПА.

„Убеден сум дека мнозинството Израелци и Палестинци сакаат мир“, рече Шолц.

Тој рече дека е вознемирен поради зголемената загриженост на муслиманите во Германија за нивната сопствена иднина во контекст на десничарските разговори за протерување на „непожелните“ од земјата.

„Нашиот одговор мора да биде многу јасен – нема да дозволиме да ја поделат нашата земја“, рече канцеларот пред муслиманскиот месец на постот.

Овие денови многумина ќе размислуваат за своите соседи на Блискиот Исток, додаде Шолц.

„Сакам да знаете дека не сте сами“, продолжи тој.

„И во Германија, многумина страдаат длабоко, поради убиените и киднапираните Израелци и судбината на невините жртви во Газа“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

В понеделник ќе биде врачена наградата „Роман на годината“

Во понеделник, на 20 мај, во Драмскиот театар во Скопје, со почеток во 19 часот и 30 минути ќе се одржи свечено врачување на наградата „Роман на годината“ за...