fbpx

Вистиномер: Фотографијата не е од актуелните протести во Холандија, туку е стара три години

-

На фотографијата споделена во постот се прикажани холандски земјоделци кои одбиваат да ги прифатат политиките на нивната влада, но не е направена на сегашните протести туку е стара три години. Таа потекнува од демонстрации кои се случиле во октомври 2019 година, пишува „Вистиномер“ во својата анализа.

Текстот подолу го пренесуваме во целост:

Рецензираме пост објавен на социјалната мрежа Фејсбук во кој се вели:

Инспиративна фотографија. Холандските земјоделци стануваат и одбиваат да ги прифатат налудничавите политики на нивната влада.
Во склоп на постот, споделена е и фотографија на која се гледа дека со бројна земјоделска механизација, се целосно блокирани неколку ленти на автопат. Целиот настан на фотографијата навистина наликува на протест.
Меѓутоа, не е точно дека фотографијата е од холандски земјоделци кои одбиваат да ги прифатат политиките на нивната влада. Фотографијата потекнува од 2019 година и во конкретниот пост што е предмет на нашата рецензија, таа е извадена надвор од контекст.
Со пребарување на фотографијата во базата на онлајн фотографии, се доаѓа до сознанието дека таа потекнува од демонстрации кои се случиле пред три години.
На следниот линк се наоѓа фотографијата во вест објавена на 17 октомври 2019 година. Во склоп на информацијата којашто е поврзана со настанот од 2019 година, се известува за бунт на холандски фармери  поради тоа што владата барала усогласеност со стандардите на ЕУ за азот и донела нов данок за гориво. Насловот на текстот е „Холандските фармери се бунтуваат против зелената агенда“.
Владата на Холандија се труди да ги следи барањата на Европската Унија поврзани со климатските промени со емисија на азот. Тоа претставува намалување на големината на нивните фарми за 50 проценти, како и зголемување на цената на бензинот, пишува во написот.

Исто така, се додава дека фармерите возеле во текот на ноќта за да се сретнат во градот Де Билт каде се наоѓа седиштето на Националниот институт за јавно здравје за кого демонстрантите тврдат дека ги манипулирал резултатите за азот, а коишто владата ги следела за да ја диктира својата политика за заштита на животната средина.

По протестот таму, конвојот продолжил кон Хаг.

Фармерите протестирале со тврдења дека нивниот опстанок е доведен под знак прашалник, поради заканата фармите да им се намалат во големина за 50 проценти поради борбата за почиста клима.

Во врска со ова медиумите известуваат дека фармерите по третпат го блокирале сообраќајот со илјадници трактори кои се паркирале во холандските градови. Холандската армија и полиција се обиделе да ги сопрат фармерите да влезат во Хаг со тоа што им го блокирале патот. Учесниците во протестот ги игнорирале наредбите на полицијата да не влегуваат во парк наречен Маливелд, кој се наоѓа спроти главната железничка станица во Хаг.

И во 2022 година во Холандија земјоделците одржуваат низа протести поради владиниот план за намалување на емисијата на гасови, но медиумските известувања за овој настан не ја вклучуваат фотографијата во склоп на постот кој го рецензираме.

Поради тоа што фотографијата се појавува во медиумски написи од 2019 година, а не во оние од 2022 година, оценуваме дека во постот што рецензираме се пропушта контекстот.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...