„Подолго време во Република Македонија се создава тензија, политичка, социјална, меѓуетничка, испровоцирана од политиката на Владата. Досега Груевски успеваше да ги покрие искрите преку контрола над медиумите и со користење на безбедносните служби за лични цели. Македонското општество, сепак, не може бескрајно да ја толерира целосната бесперспективност, до која е доведено“, објави на својот фејсбук-профил поранешниот европратеник и сегашен пратеник во бугарското собрание, Кристијан Вигенин.
„Власта веќе не може да се вади на тоа дека со цврстина ќе го реши проблемот. Спонтаните протести од синоќа и сцените на насилство покажуваат дека е достигната точката од која или ќе следи длабока криза со непредвидливи последици или политичката елита ќе манифестира разум и одговорност и ќе почне итни реформи. Сметам дека Социјалдемократскиот сојуз ќе биде сила што ќе разбуди јавната енергија и ќе ја насочи во вистинската насока. Делегација на СДСМ ќе учествува на Балканската конференција која ПЕС и БСП ја организираат в понеделник во Софија и ќе биде важно да ја чуеме нивната гледна точка и да процениме со што и како европските и бугарските социјалисти можат да ги поддржат нивните активности“, се вели во статусот на Вигенин.
