Вебинарот „Проверка на факти и разоткривање на дезинформации – новинарски искуства“ ќе се одржи на 20 ноември, со почеток од 11 часот. На онлајн настанот ќе говорат Владимир Петрески – главен уредник на порталот за јавна отчетност, транспарентност и проверка на факти, Вистиномер, Елида Зулбеари – главна уредничка на порталот Порталб.мк, Антонија Поповска – новинарка во Мета.мк и Гоце Трпковски – новинар во Призма.мк.
На вебинарот „Проверка на факти и разоткривање на дезинформации – новинарски искуства“ ќе се говори за начинот на кој како новинарите проверуваат факти, за предизвиците и за важноста на улогата при проверката на фактите, нешто што претставува исклучителен интерес за сите граѓани.
Учесниците на вебинарот ќе може да стекнат сознанија за алатките и методологиите што новинарите ги користат за да се обезбеди точност при нивното известување, за главните дезинформациски наративи во Македонија и светот, за начинот на проверка на исполнувањето на локалните и националните ветувања од властите и за улогата на медиумската писменост.
Вебинарот има за цел и да ја нагласи клучната улога на новинарите како чувари на вистината, вооружени со алатки и техники потребни за да се произведат точни вести, анализи и истражувања, во морето од енормниот број дезинформации со кои сме соочени секојдневно.
Вебинарот е отворен за сите новинари, заинтересирани граѓани, новинарски здруженија, невладини организации и други субјекти кои сакаат подетално да се запознаат со начините за проверка на фактите, но и начините за справување со дезинформациите, а со цел публиката да добие точни, навремени и објективни информации.
Вебинарот е организиран од Здружението за унапредување на медиумските практики „Иновативни медиуми“, со поддршка на регионалниот проект СМАРТ БАЛКАН – Граѓанско општество за поврзан Западен Балкан, имплементиран од Centar za promociju civilnog društva (CPCD), Центарот за истражување и креирање политики (ЦИКП) и Институт за демократија и медијација (ИДМ) а финансиски е поддржан од Министерството за надворешни работи на Кралството Норвешка.
Вебинарот е бесплатен за учесниците, а за учество не е потребна претходна регистрација. Заради потребите на проектот, настанот на ZOOM ќе биде снимен, но нема да биде јавно емитуван.
Секој заинтересиран на вебинарот може да се приклучи на ZOOM преку следниов линк:
Topic: ПРОВЕРКА НА ФАКТИ И РАЗОТКРИВАЊЕ НА ДЕЗИНФОРМАЦИИ – НОВИНАРСКИ ИСКУСТВА
Time: Nov 20, 2023 11:00 AM Budapest
Join Zoom Meeting
https://us06web.zoom.us/j/88338201953…
Meeting ID: 884 7185 6141
Passcode: 0HvVBj
