fbpx

Утре почнува второто полугодие, основците и средношколците со физичко присуство се враќаат на настава

-

Зимскиот распуст завршува. Основците и средношколците од утре со физичко присуство се враќаат на настава во второто полугодие од учебната 2022/2023 година.

„За подобро функционирање на процесот, поради тоа што 18 јануари е среда, 19-ти е празник за поголем дел од граѓаните и 20-ти е петок, одлучивме второто полугодие да почне во понеделник. Исто така, да се изработат сите 180 работни денови до крајот на ова второ полугодие. Има три работни наставни денови и не гледам причина да има некаков проблем“, изјави министерот за образование и наука Јетон Шаќири минатата недела.

Тој рече дека учениците ќе треба да ги одработат сите 180 работни наставни денови утврдени со Календарот за воспитно-образовниот процес во училиштата и дека најверојатно и учебната година ќе заврши на 14 јуни наместо на 9 јуни.

Владата на барање на Министерството за образование и наука на седница на 10 јануари го продолжи времетраењето на зимскот распуст поради заштеда на греење и заштита на здравјето на учениците.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

МОН: Учениците да имаат скратени часови поради високите температури

Основните училишта да работат со скратени наставни часови до крајот на учебната година поради високите температури кои ја зафатија државата, препорачува Министерството за образование и наука (МОН). Од министерството препорачуваат:...