Таксистот Ќира Тренески (41), вчера, во населбата Глогонски рид во Белград е најден мртов. Неговото тело е пронајдено на околу 10 метри од такси-возилото „алфа ромео“.
Од такси-компанијата „Пинк“ потврдиле за „Блиц“ дека се работи за нивен возач.
Според неофицијални информации на „Блиц“, напаѓачите, откако го извршиле убиството, се обиделе да го украдат возилото, но автомобилот завршил во ендек и тие го оставиле.
Во близина на телото на таксистот, пронајдено е уште едно тело кое, исто така, има повеќе прострелни рани.
Полицијата сè уште работи на расветлување на случајот.
