Lideri i opozitës maqedonase Zoran Zaev preferon mbajtjen e zgjedhjeve parlamentare në 11 dhjetor të këtij viti. Madje ai është optimist se mbajtja e zgjedhjeve nuk do të vihet në pikëpyetje nga moszgjedhja e anëtarit të pestë të trupit ad-hok, I cili do të monitorojë mediat gjatë periudhës parazgjedhore.
“Më shumë jam optimist në kërkimin e mënyrës se si të gjenden argument të mjaftueshme të zgjedhjet anëtari I pestë. Trupi ad-hoc i dime detajet dhe pritjet nga ai, por nuk është fundi i botës dhe nuk duhet të lejojmë në të vërtetë për shkak të një arsye të këtillë të vogël që të prolongohen konkluzat për plotësimin e kushteve, në përputhje me të cilat do të definohet data e zgjedhjeve”, tha Zaev.
Zaev njëherit sqaroi se për partinë e tij më i pranueshëm ishte modeli për reforma në media i propozuar nga nga Van Haute, por e pranoi modelin me trupin “Ad-hoc” për ti dhënë fund krizës politike në vend.
“Si një nga kryetarët e katër partive më të mëdha apeloj te katër anëtarët që në fillim të mbledhjes së ardhëshme ta zgjedhin anëtarin e pestë nëse jo për diçka tjetër për Maqedoninë”, deklaroi Zoran Zaev
