Zgjedhjet parlamentare e 24 prillit vitin e ardhshëm do të jenë korrekte dhe demokratike, deklaroi sot kreu i PDSH-së, Menduh Thaçi, i cili tha se për këtë ka marrë garanci nga BE dhe SHBA.
Në takimin para Vitit të Ri me kreun dhe simpatizuesit e partisë në Tetovë, ai theksoi se nëse dikush guxon që kjo mos të ndodh, “këtë herë do të penalizohet”.
Në lidhje me pritjet në zgjedhje, Thaçi vlerësoi se nuk pret ndryshim të plotë, por shprehi shpresë se do të ketë ndryshim tek shqiptarët, me çka do të ndryshoj edhe mënyra e qeverisjes.
