Presidenti grek, Prokopis Pavlopoulos, ka kritikuar ashpër politikanët në Maqedoni, gjoja se janë duke e shfrytëzuar krizën e refugjatëve për të përfituar nga momenti në drejtim të çështjes së pazgjidhur të emrit.
Pavlopoulos thotë se liderët e IRJM-së duhet të kuptojnë me kohë se me falsifikim të historisë, por edhe me ngritje të gardheve metalike dhe sjellje barbare ndaj refugjatëve, hapur shkelin dhe ecin kundër vlerave evropiane dhe nuk kanë vend në Bashkimin Evropian.
“BE nuk është bastion për popuj frikacak, e as anije që lundron me flamuj të oportunizmit politik. Ky mesazh ka të bëjë edhe për shtetin fqinj të IRJM-së, liderët e të cilit duhet të merren vesh në kohë se me kërkesën për emër që tentojnë të falsifikojnë historinë, por edhe me ngritjen e gardheve me tela dhe akte barbare kundër refugjatëve, qartë i shkelin vlerat evropiane” deklaroi Pavlopulos.
