Nevojitet Evropa të siguroj përgjigje të përbashkët sepse asnjë vend s’mund t’i zgjidh problemet e vetme, ka theksuar ministri i jashtëm i Maqedonisë, Nikolla Poposki në takimin e sotëm jo- formal të shefave të diplomacive të vendeve- anëtare të BE dhe vendet- kandidate për anëtarësi, që u mbajt në Luksemburg e ku në qendër të vëmendjes ishte kriza me refugjatët.
Siç njofton MPJ, Poposki i ka njoftuar kolegët e tij të BE me gjendjen aktuale të krizës me refugjatët në Maqedoni dhe me “menaxhimin e vendit tonë me fluksin masovik të refugjatëve”.
“Maqedonia pret trajtim nga BE njëjtë si ndaj vendeve- anëtare. Solidaritetin dhe ndarjen e përgjegjësisë e vlerësojmë si esenciale. Mungon përgjigje në nivel evropian për krizën me refugjatët. Tendencat për momentin janë se kjo do të thellohet edhe me shifra dhe me probleme reale në terren. Nëse nuk ka përgjigje, së shpejti mundet problemet t’i tejkalojnë kapacitetet e shteteve që përfshihen drejtpërdrejtë nga kriza. Kjo mund të jetë kërcënim për solidaritetin dhe humanitetin” ka thënë Poposki në takim.
Shefi i diplomacisë maqedonase në kornizat e takimeve, ka marrë pjesë në drekë pune mes ministrave të jashtëm të grupit të partive popullore evropiane (PPE) me ftesë të homologut Sebastian Kurc dhe kryesuesit të Komitetit për çështje të jashtme në KE, Elmar Brok.
