VMRO DPMNE përmes njoftimit ka reaguar ndaj intervistës së Zoran Zaevit për “Dojçe Vele”, duke porositur se partia as nuk ka kërkuar e as nuk do të kërkoj amnisti. Zaev në intervistë ka thënë se Gruevski tërë këtë e bën “që të bëj pazarllëk për amnisti”, por se amnisti nuk do të ketë.
“Zoran Zaev s’mund të kuptoj se dikush sinqerisht e dashuron Maqedoninë dhe se dikush sinqerisht dhe me nder lufton për mbrojtjen e interesave shtetërore dhe nacionale. Tek ai çdo gjë është lëndë e pazarllëkut dhe negocimit. Për këtë, Zaev gënjen dhe shpif. VMRO DPMNE as nuk ka kërkuar amnisti e as nuk ka pse ta kërkoj këtë gjë. VMRO DPMNE çdoherë ka qenë në anën e popullit dhe shtetit. Ky është dallimi mes VMRO DPMNE- dhe kriminelit Zaev”, thonë nga partia.
