Lista të hapura, zgjidhje ligjore të zonave gri në financimin e fushatave të partive dhe ndalesë mediumet të jenë donatorë të fushatave politike janë një pjesë e rekomandimeve që u qëndrojnë në dokumentin e punës, që sot e prezantoi Asociacioni civil “Most”, i cili mbi 13 vite bën vëzhgimin e zgjedhjeve në vend.
“Rekomandimet që i përmban ky dokument kanë të bëjnë vetëm për aspektet më të rëndësishme të procesit zgjedhor, siç janë sistemi zgjedhor, votimi në diasporë, KSHZ, lista zgjedhore, fushata zgjedhore dhe financimi i saj si dhe mbrojtja e të së drejtës zgjedhore. Këto nuk paraqesin ndryshim për rekomandimet që përshkruhen në raportet e “Most” për zgjedhjet e deritanishme, por duhet të lexohen në mënyrë komplementare me to. Një pjesë e tyre janë lëndë e bisedimeve mes partive politike ndërsa një pjesë prej tyre paraqesin angazhime shumëvjeçare të “Most” për të cilat partitë politike duhet të arrijnë konsensus” deklaroi drejtori ekzekutiv i “Most” Darko Aleksov në konferencën e sotme për shtyp.
Nga Asociacioni civil rekomandojnë që të revidohet sistemi i votimit jashtë vendit dhe kjo të suspendohet për zgjedhjet e ardhshme e më pas të hapet debat i gjerë për të gjithë aspektet e reja, me qëllim që të gjendet zgjidhje më adekuate.
Në lidhje me financimin e fushatës zgjedhore nga “Most” kërkojnë që të parashihet afat në të cilin duhet të mbyllen llogaritë financiare për fushatën zgjedhore sepse, sipas kësaj organizate, mos- ekzistimi i këtij afati mund të krijoj probleme gjatë revidimit të raporteve financiare si dhe të verifikohet mundësia mediumet të japin donacione për partitë politike përmes mundësimit të lirimeve gjatë reklamimit të paguar politik.
