Si jetojnë banorët në konviktet studentore, sa janë të kënaqur nga cilësia e jetës dhe a identifikojnë, përkatësisht a janë të njoftuar ku të denoncojnë korrupsion. Përgjigjet për këto çështje ishin në fokusin e hulumtimit “për çështje të banorëve – Hulumtim për standardin jetësor të banorëve në konviktet studentore shtetërore: “Vëllezërit Milladinovci”-Shtip, “Koço Racin”-Manastir dhe “Pellagonia”-Shkup, të cilin e zbatoi Forumi Rinor i Maqedonisë-FRM në vitin 2020, shkruan Meta.mk.
Të intervistuarit e vlerësuan cilësinë e jetës në konviktet studentore me notë mesatare 3, ndërsa mungesa për aktivitete ende zvarritet si problem në jetën në konviktet studentore dhe konsiderueshëm ndikon në perceptimin e cilësisë së jetës në këto konvikte.
Banorët kanë vlerësuar që nuk janë mjaft aktiv për bashkëpunim dhe avancim të jetës në kuadër të konvikteve dhe sërish është përmendur fakti që mungesa e mjeteve financiare, veçanërisht për përmirësimin e infrastrukturës dhe krijim të hapësirave të përbashkëta për banorët. Shumica kanë thënë që asnjëherë nuk kanë qenë të përfshirë në vendimmarrje, nuk kanë besim që mund të ndryshojnë diçka po të bashkëpunonin me udhëheqësitë e konvikteve, ndërsa një pjesë e tyre kanë thënë që s’kanë mjaftueshëm kohë ose nuk janë aspak të informuar për proceset e pjesëmarrjes studentore.
“Së këtejmi, 69% e banorëve në “Koço Racin” në Shtip, 91% nga “Vëllezërit Milladinovci” në Manastir dhe 96%nga “Pellagonia” në Shkup asnjëherë nuk janë inkuadruar në vendimmarrje brenda konviktit. Mbi 30%e të intervistuarve kanë deklaruar që kanë pasur përvojë me korrupsion ose përvojë të “dorës së dytë”, mirëpo fatkeqësisht numri më i madh i atyre që kanë marrë pjesë në hulumtimin në terren, kanë thënë që nuk do të kishin denoncuar në organet kompetente që të mos i hapin vetes probleme. Gjithashtu, ata nuk e dinë ku ose si të kontaktojnë për informim për veprime korruptive”, tregon hulumtimi i FRM.
Sonja Karapec, drejtoresha e “Vëllezërit Milladinovci” tha që banorët nuk duhet të organizojnë vetëm evenimente vjetore, por nevojitet komunikim sa është e mundur më i madh me banorët në bazë të rregullt. Drejtori i “Koço Racin” – Mitko Nakovski, si dhe udhëheqësja e seksionit të konviktit studentor “Pellagonia” – Julijana Atanasovska theksuan që ky është hulumtim i dobishëm që ndihmon në përcaktimin e drejtimit për punën e mëtejme të konvikteve”, thuhet në komunikatën e FRM.
Ky hulumtim është pjesë e projektit: “Studentë të angazhuar për konvikte studentore pa korrupsion në Maqedoninë e Veriut” i zbatuar nga FRM, MKC-Manastir, MELEEM dhe LEGAL Think, ndërsa i financuar nga Fondacioni Shoqëri e Hapur Maqedoni.
