Brukseli vazhdon të alarmojë seriozitetin e situatës politike në vend. Komisioneri për zgjerim Johanes Han përpara europarlamentarëve theksoi se politikanët në Shkup luajnë me të ardhmen e vendit, ndërkohë që bëri thirrje për hetim të plotë rreth bisedave të përgjuara pavarësisht burimit të tyre, transmeton “Dojçe vele”.
“Pavarësisht burimit të përgjimeve, ato duhet të hetohen, çdo keqpërdorim potencial që zbulohet në përmbajtjen e tyre duhet të hetohet dhe të merren masa adekuate, në veçanti nëse shkelin çështjet fondamentale sikurse sundimin e të drejtës dhe ndarjes së pushteteve. Në kohën kur besimi ndaj institucioneve është i ulët, të gjithë personat publik duhet të sillen në mënyrë të përgjegjshme dhe të bartin përgjegjësi për veprimet e tyre”, deklaroi Johanes Han, komisionar për fqinjësi dhe zgjerim.
Komisionari Han informoi se gjatë vizitës së tij në Maqedoni në shkurt, liderëve politikan i porositi “mos luani me të ardhmen e vendit”
