Gjashtë persona janë arrestuar kurse pas njërit ende gjurmohet, ku policia kapi 144kg marijuanë në aksionin e fundit të kryera në territorin e Shkupit, Hasanbeg dhe në fshatin Haraçinë.
Siç informoi sot nga ministria e Punëve të Brendshme, Gordana Jankullovska, realizimi vjen pas përpunimit kriminal të personave të cilët një kohë të gjatë dyshohet se merren me veprimtari të paligjshme.
Droga fillimisht ka rdhur nga Shqipëria përmes Maqedonisë ku destinacioni i fundit është menduar për në Zvicër. Atje në tregun ilegal vlera e saj është vlerësuar në 600 mijë euro.
Në rrugën “Alia Avdovic” në Çento janë ndaluar dy automjete të drejtuar nga dy persona nga Shkupi të moshës 30 dhe 37 vjet. Në një nga automjetet e tipit “Golf” janë gjetur 65 pako dhe në automjetin tjetër të tipit “Mercedes” janë gjetur 33 paketa. Pas ekspertizës është vërtetuar se në të kishte marihuanë – tha Jankullovska.
Në këtë aksion janë kontrolluar shtëpitë e dy personave nga Shkupi, të moshës 40 dhe 53 vjet. Gjatë kontrollit janë gjetur një qese që peshon 700 gram, dhe në të cilin kishte material pluhur me ngjyrë kafe, e cila supozohet të jetë një përzierje me heroinë.
Kundër personave do të ketë kallëzime penale për prodhim të paautorizuar dhe shpërndarjen e drogave narkotike