Pas dy viteve presion ndaj pushtetit, me akuza dhe dyshime për përfshirje në vdekjen e gazetarit Nikolla Mlladenov, sot Zoran Zaev dëshmoi se pushteti s’ka kurrfarë lidhje me këtë fatkeqësi, tha kryeministri Nikolla Gruevski para disa orëve në lajmet e televizionit “Sitel”.
Rreth kërkesës për hetim të ri, Gruevski edhe si kryeministër, por edhe si lider i VMRO DPMNE-së shprehi mbështetje dhe bëri thirrje për hetim shtesë rreth fatkeqësisë. Ai shtoi se në hetim, sipas dëshirës së familjes, kolegëve dhe opozitës, mund të përfshihen të gjitha instancat që ata konsiderojnë se do të duhej të përfshihen në hetim.
