Proceset demokratike do të vazhdojnë dhe shteti duhet të funksionojë me kapacitet të plotë sepse në pikëpyetje është vënë ekzistenca e qytetarëve dhe kompanive për shkak të bllokadave të pakuptimtë me të cilat pengohet transferimi i qetë i pushtetit, theksojnë nga LSDM në njoftimin e rregullt.
“Ministrat në largim kanë autorizime teknike. Për kohë të shkurtë do të ndërpriten të gjitha kompetencat e kryetarëve dhe këshillave komunal ndërsa zgjedhjet e reja lokale s’mund të caktohen para kryetar të ri të Kuvendit. Kjo do të thotë bllokim i sistemit të shtetit. Këtë shumica parlamentare nuk do ta lejojë”, thuhet në njoftimin e LSDM-së.
Nga kjo parti theksojnë se institucionet, partitë politike dhe të gjithë individët duhet të dinë se nxitja e tensioneve mes qytetarëve dhe aktiviteteve kundër interesave të shtetit janë shkelje e rëndë e Kushtetutës dhe ligjeve të RM-së dhe vepër penale, që me vete bart përgjegjësi serioze penale.
“Është e domosdoshme që opozita, Nikola Gruevski dhe VMRO DPMNE të veprojnë në interes të qytetarëve dhe të ndërpresin me skenarët e mos- stabilitetit dhe krizës me të cilat nuk mund t’i ndalojnë drejtësitë dhe ndryshimet”, porositin nga LSDM.
