Kryetari i Novacit, Lazar Kotevski mbrëmë ka rënë në gropë, e cila është krijuar nga gropimi i digave në Crna Reka.
Punëtorët thonë se Kotevski tre netë ka qenë me ta dhe për një moment, përderisa vinçi ka gropuar tokën, ka rëshqitur dhe ka rënë në gropë. Punëtorët menjëherë e kanë nxjerrë nga balta.
-Nuk kam lëndime, kalova lehtë. Rëshqita, gropa nuk ishte e thellë. Vërshimet na lanë pa gjumë, jo vetëm mua por të gjithë banorët e Pelagonisë. Por, këto tre netë ishte dramatike, dhe nuk kishim kohë për pushim. Do të kaloj çdo gjë, vetëm ta kalojnë këtë me vërshimet- thotë Kotevski.
A.B
