Градоначалникот на Новаци, Лазар Котевски, ноќеска паднал во јама, која била направена поради копањето на насипите на Црна Река.
Работници кажуваат дека Котевски веќе три ноќи бил со нив на насипите на Црна, и во еден момент, додека багерот копал земја, тој се лизнал и паднал во јамата. Работните веднаш го извадиле од калта.
– Не сум повреден, лесно поминав. Се лизнав, јамата не беше длабока. Поплавите нè оставија без сон не само мене туку и сите жители на Пелагонија. Но, овие три ноќи беше навистина драматично, па немаше време за одмор. Ќе помине сè, само да го надминеме ова со поплавите – вели Котевски.
А.Б.
