Kryerës i detyrës kryetar i Gjykatës Penale në Shkup do të jetë gjykatësja Tatjana Mihajlova ndërsa në postin u.d kryetar i Gjykatës Supreme do të jetë Snezhana Bajlozova.
Kështu në seancën e sotme vendosi Këshilli gjyqësor, që me shumicë votash emëroi gjykatëset për këto poste.
Ndryshe, Tatjana Mihajlova është gjykatësja duhet t’i gjykoj ish kryeministrin, Nikolla Gruevskin dhe ish ministrin e transportit, Mile Janakieski, të cilët janë të dyshuarin e parë në rastin e dhunës para Komunës Qendër nga qershori 2013.
Ky është një prej dy rasteve të para për të cilat PSP ngriti akuza në shtator të këtij viti.
Mihajlova gjithashtu ishte gjykatësja hetuese në rastin “Likuidimi” ku me 4 vite e gjysmë u dënua gazetari Tomislav Kezharovski ndërsa pas reagimeve të fuqishme në opinion dënimi iu zvogëlua në dy vite.
Gjykatësja e Gjykatës Supreme, Snezhana Bojlozova, dhjetë vitet e kaluara disa herë ishte në fokus të opinionit, në veçanti pas aktvendimit për lirim për Agim Krasniqin nga Kondova para 10 viteve si dhe dënimet “e buta” me të cilat i dënoi pjesëtarët e njësive policore që shkatërruan diskotekën “Proces” në vitin 2006-të.
Bajlozova ishte një prej kandidatëve për kryetar të Gjykatës Supreme së bashku me Lidija Nedellkovën, të cilët dje i skadoi mandati, ish kryetari i Gjykatës Supreme, Jovo Vangellovski dhe gjykatësja Besa Ademi.
Dy gjykatëset në seancën e sotme ishin me propozim të kryetarit të Këshillit gjyqësor, Zoran Karaxhovski. Ai theksoi se Mihajlova dhe Bajlozova kanë vlerësime më të larta në Penalen gjegjësisht në Supremen ku punojnë. Anëtarët e Këshillit gjyqësor njëzëri me 13 vota “për” nga 13 anëtarë që votuan, zgjodhën Bajlozovën ndërsa për zgjedhjen e Mihajllovës votuan 9 anëtarë të Këshillit gjyqësor ndërsa 4 “kundër”.
