Kreu i BDI-së Ali Ahmeti në një intervistë në “Alsat M”, tha se të gjitha shtyllat e Marrëveshjes së Przhinos janë përmbushur dhe se kryeministri do të japë dorëheqjen më 10 janar. Siç tha Ahmeti, ai nuk pret të shtyhen zgjedhjet në prill.
– Detyrimi i të gjitha palëve nënshkruese të Marrëveshjes së Przhinos është respektimi i detyrimeve nga kjo marrëveshje. Mendoj se faktet flasin dhe se Marrëveshja e 2 qershorit është materializuar, se shumica e marrëveshjes është përmbushur. Prokurori special u formua, Komisioni shtetëror zgjedhor dhe Komisioni hetimor në Parlament gjithashtu, opozita është kthyer në parlament, u emëruan ministrat tjerë dhe zëvendësit e tyre. Mbetet e hapur çështja për media. Mendova se të gjitha mediat duhet të konsultohen dhe të koordinohen për të nxjerrë ligjin e medias. Të gjitha çështjet shkojnë sipas rendit të ditës, me vonesa të përditshme, por gjëja kryesore është se shtyllat janë vendosur. Tani duhet të zgjidhet sekretari i përgjithshëm i KSHZ-së. Më 10 janar kryeministri jep dorëheqje, do të ketë votim në qeverinë e re dhe të gjithë do t’i përfundojë obligimet e tyre sipas marrëveshjes – tha Ahmeti.
I pyetur nëse ka hapësirë për t’u shtyrë zgjedhjet, Ahmeti tha se çështja nuk duhet as të diskutohet, por të respektohet data në të cilën të gjitha partitë politike ranë dakord së bashku me komunitetin ndërkombëtar.
