fbpx

СКУП: Секоја година, нови 4.500 случаи на заболени од рак

-

Во Македонија секоја година се појавуваат нови 4.500 случаи на карцином од различен вид, иако светските стручњаци тврдат дека оваа бројка е многу поголема, односно дека се работи за дури 7.000 случаи, објави во истражување СКУП-Македонија.

Сепак, во моментов, државните институции не водат евиденција дали карциномот го добиваат претежно пациенти кои живеат покрај фабрики и топлани, а кои се сметаат за најголеми загадувачи. Само се водат генерални бројки.

„СКУП истражуваше како и во која мера аерозагадувањето може да се поврзе со појавата на карциноми кај населението. Сознанијата се алармантни: дури две третини од годината сме изложени на загадување, а се проценува дека една третина од смртните случаи се од аерозагадување. Високите концентрации на штетни гасови во последниве години се забележуваат и во летните месеци. А кога на ова ќе се додаде и фактот дека претстои грејната сезона, може само да се претпостави дали ќе ги надминеме рекордните загадувања на воздухот кои ги имавме зимоска – пишува во истражувањето.

Според истражувањето, воздухот во Македонија е меѓу најзагадените во Европа, а загадувањето со години ги надминува европските стандарди. Македонија е на прво место на листата на Светска банка, кога станува збор за изложеност на граѓаните на загаденост на воздухот со цврсти честички, а на петто место според годишните смртни случаи предизвикани од загаден воздух, односно од честичките ПМ 10 .

Според Светска банка, цврстите честички се одговорни за повеќе од 1.350 смртни случаи годишно.
„Прераната смртност се појавува од кардиопулмонарни заболувања и рак на белите дробови. Во 2011 година, нивото на загадување од цврсти честички беше примарно одговорно за 485 нови случаи на хроничен бронхитис, 770 болнички приеми и 15.200 итни посети. Со намалување на ПМ10 и ПМ2,5 до европските гранични вредности, ќе се избегнат повеќе од 800 смртни случаи и многубројни изубени работни денови, со што ќе се реализира заштеда во здравствени трошоци од 151 милиони евра годишно – се нотира во извештајот на банката.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Стоилковски: Преговорите со коалиционите партнери се во напредна фаза

Преговорите со коалиционите партнери се во напредна фаза, но се уште нема конечен договор, соопшти денеска портпаролот на ВМРО-ДПМНЕ, Наум Стоилковски и посочи дека се разговара и за ресори...