fbpx

Првоосомничениот Љ.П. поврзан со убиството на Вања е во бегство, тројца вечерва ќе бидат спроведени во „Шутка“

Првоосомничен за двете убиства, според извори на Мета од полицијата, е скопјанецот Љ.П. со прекар „П.“. Тој во моментов е во бегство. Станува збор за контроверзно лице познато за пошироката јавност, кој беше ангажиран за изградба на станови, а извесно време беше и партиски активен

-

Во околината на Скопје денеска беше пронајдено безживотното тело на 14-годишната Вања Ѓорчевска, додека во околината на Велес е пронајдено телото на 74-годишниот Панче Жежовски кој беше пријавен за исчезнат на 24 ноември.

Жежовски беше претседател на Унијата на ветерани на партијата Единствена Македонија. Неодамна излезе на прес-конференција, со поддршка до пензионерите за нивните барања за линеарно зголемување на пензиите. Беше доста активен на социјалните мрежи и често објавуваше свои ставови по повод актуелните случувања во земјава.

Првоосомничен за двете убиства, според извори на Мета од полицијата, е скопјанецот Љ.П. со прекар „П.“. Тој во моментов е во бегство. Станува збор за контроверзно лице познато за пошироката јавност, кој беше ангажиран за изградба на станови, а извесно време беше и партиски активен.

За двајца од првично приведените лица било утврдено дека немаат поврзаност со настанот и биле пуштени на слобода. Во меѓувреме, за други три лица се бара притвор, тие се пред судија на истражна постапка и набрзо ќе бидат спроведени во истражниот затвор во Шутка. Во полициска станица на распит е близок член од семејството на 14-годишната Вања.

Двете убиства, како што соопшти Министерството за внатрешни работи (МВР), се со ист мотив – користољубие.

Автомобилот на велешанецот Жежовски беше пронајден во селото Бразда, опожарен, истиот ден кога исчезна 14-годишната Вања. Неофицијално, девојчето било киднапирано во истото возило марка „Цитроен“. Нејзиното тело денеска беше пронајдено во селото Орман, а девојчето било убиено само 2,5 часа откако била земена, во понеделникот.

МВР и Јавното обвинителство денеска излегоа со соопштение за двата трагични настани, кое не е докрај прецизно, a повеќе информации се очекуваат утре на прес-конференција во 9:30.

Пронајдено безживотното тело на 14-годишната Вања Ѓорчевска

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Гордана Силјановска-Давкова официјално е претседателски кандидат на ВМРО-ДПМНЕ

Гордана Силјановска-Давкова и официјално ќе влезе во трката за претседател на државата, како кандидат на ВМРО-ДПМНЕ. Таа денеска со мнозинство гласови беше избрана на Kонвенцијата која се одржа во...