Градските власти заедно со локалните во општината Карпош, поднеле пријава против непознат сторител кој оштетил јавен имот, откако на т.н. „Железнички Мост“ во општина Карпош на булеварот „Васил Чакаларов“, синоќа исекол и оштетил електрични и комуникациски кабли.
„Не сакаме да веруваме дека станува збор за намерна саботажа предизвикана од политичка агенда, но, ако судиме по реакциите на политичките партии кои го политизираа и пожарот на мостот „Беласица“ со шпекулации и предизвикување на општа несигурност и паника кај граѓаните, заклучокот е загрижувачки“, наведено е во соопштението од град Скопје.
Оттаму апелираат до сите институции да ги превземат сите неопходни мерки за да се спречи ваквата појава, како и до сите политички чинители да не поттикнуваат вакво однесување.
