Повеќе од 780 луѓе загинаа во топлотниот бран што ја погоди пакистанската покраина Синд, по што премиерот на земјата побара од Националната служба за вонредни состојби да преземе итни мерки за да го заштити населението.
Во борбата со екстремно високата температура учествува и војската, која веќе постави посебни центри за прва помош.
Поголемиот дел од жртвите се постари лица од сиромашни семејства, од најголемиот град Карачи, во кој температурата во изминатите денови надмина 45 Целзиусови степени.
