Министерството за внатрешни работи (МВР) во текот на вчерашниот ден (21.09.) продолжи со засилените акциски контроли во областа на сообраќајот. На територија на град Скопје во текот на вчерашниот ден изречени се вкупно 311 санкции, информираат од МВР.
Полициските службеници казниле 17 лица за возење без возачка дозвола, додека 130 прекршоци се напишани за пречекорување на дозволената брзина на движење. Како и во изминативе денови, само вчера биле напишани 17 казни за технички неисправни и нерегистрирани возила, додека имало и 49 санкционирани мотоциклисти и едно привремено одземено возило.
Во Скопје вчера биле изречени 73 мерки за непрописно паркирани возила и дополнителни 78 возила биле подигнати со пајак, а изречени се и 15 санкции за неносење на заштитна маска.
Од МВР соопштуваат дека засилените сообраќајни контроли продолжуваат и во наредните денови и апелираат до граѓаните да ги почитуваат сообраќајните правила и прописи за да се зголеми безбедноста во сообраќајот.
