fbpx

Пендаровски и МНР го осудија палењето на бугарското знаме на карневалот во Вевчани

-

Претседателот Стево Пендаровски го осуди чинот на палење на знамето на Бугарија на Вевчански карневал.

„Палењето на знамето на Република Бугарија за време на карневалот во Вевчани е недопустливо и за осуда. Меѓу соседите е неопходно градење на доверба, разбирање и почитување,“ напиша тој на неговиот фејсбук-профил.

Министерството за надворешни работи палењето на бугарското знаме го оцени како штетен по угледот на државата.

„Вековна традиција не смее да биде загрозена преку активности со кои се омаловажуваат или навредуваат народи, држави, особено нашите соседи. Го осудуваме палењето на знамето на Република Бугарија на Карневалот во Вевчани, чин кој не само што го нарушува реномето на Карневалот туку и нанесува штета на угледот на Република Северна Македонија,“ пишува на официјалниот фејсбук-профил на МНР.

Извор на фотографија: МНР

Бугарската министерка за надворешни работи Екатерина Захариева на нејзиниот фејсбук-профил објави дека амбасадорот Ангелов упати остар вебрален демарш во Министерството за надворешни работи.

„По повод информациите за запалено бугарско знаме во селото Вевчани во Република Северна Македонија му порачав на бугарскиот амбасадор во Скопје да го искаже пред Владата на Република Северна Македонија, нашето силно несогласување со овој вандалски чин,“ напиша Захарева на Фејсбук.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Камерите кои треба да ловат сообраќајни прекршоци не се во функција

Камерите кои се поставуваат на скопските сообраќајници, а кои се дел од проектот „Безбеден град“ сè уште не се во функција. Објавата што ја анализираме манипулира и непотребно крева...