fbpx

Парното во Скопје поскапува од 14,18 до 16,31 проценти

-

Поскапува централното греење во Скопје. Регулаторната комисија за енергетика денеска соопшти дека од август годинава цената на парното за најголемиот дел од потрошувачите кои досега беа на мрежата на БЕГ, ќе се зголеми за 14,18 проценти. Парното од топланата Скопје Север ќе поскапи за 16,31 отсто, а топлинската енергија од Железара ќе биде поскапа за 15,5 отсто. Поскапувањето е резултат на новите цени на светскиот пазар на енергенси, особено поскапувањето на природниот гас, кој во земјава се увезува.

Како што информираше денеска првиот човек на Регулаторната комисија, Марко Бислимоски, покачувањето на цените на затоплувањето во Скопје, за просечна сметка од 1.800 денари, ќе биде околу 250 денари. Ова, според него е многу подобар чекор, отколку производство на топлинска енергија со мазут.

„Се предвидува ТЕ-ТО да обезбеди 70 проценти од потребната топлинска енергија, а 30 проценти да се обезбедат од топланите. Доколку не се увезат потребните количини на природен гас за производство на топлинска енергија во ТЕ-ТО и топланите, тогаш сета потребна топлинска енергија за Скопје ќе мора да ја произведат топланите со користење на мазут. Тоа е многу неповолно од еколошки аспект, но и ризично доколку не се обезбедат потребните количини на мазут“, рече Бислимоски.

Тој посочи дека доколку ТЕ-ТО не работи и ако нема субвенции од државата, цената на парното би се зголемила за над 100 проценти, а скопјани би дишеле многу загаден воздух и би имале последици по здравјето. Бислимоски истакна дека цените на енергетските ресурси и намалените количини на природен гас што се увезуваат од Русија се проблем во сите земји во Европа, а природниот гас сега е десетина пати поскап отколку лани. Заради тоа, тиј апелираше до сите потрошувачи да штедат.

„Еден степен намалување на температурата овозможува заштеда на енергенс од околу пет проценти“, рече Бислимоски.

Вицепремиерот за економски прашања Фатмир Битиќи денеска на скопјани им порача да не се грижат бидејќи топлинската енергија до домаќинствата ќе биде испорачана навреме. Битиќи нагласи дека Владата го задолжила Генералниот секретаријат да распише процедура избор на нов економски оператор на топлинска енергија, а според Законот за енергетика, дотогаш БЕГ мора да ги исполнува своите обврски.

„Дали нов оператор ќе биде ЕСМ или некој друг не можеме да прејудицираме. И Градот Скопје има своја компанија, која како и било која друга може да се јави на повикот. Во овој момент е важно процесот да заврши навреме, транспарентно и без никакви правни недоречености“, рече Битиќи.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Гордана Силјановска-Давкова официјално е претседателски кандидат на ВМРО-ДПМНЕ

Гордана Силјановска-Давкова и официјално ќе влезе во трката за претседател на државата, како кандидат на ВМРО-ДПМНЕ. Таа денеска со мнозинство гласови беше избрана на Kонвенцијата која се одржа во...