Јавното претпријатие „Паркинзи на општина Центар“ денеска го добило спорот со друштвото за сервисирање, трговија и услуги „Никофон“.
Како што известуваат од претпијатието, Основниот суд Скопје 2 констатирал дека „Никофон“ го нарушил мирното и непречено стопанисување на ЈППОЦ со јавното паркиралиште кај Аутомакедонија, на улицата Мито Хаџи-Василев Јасмин, и дека тужениот самоиницијативно поставил дрвени палети со метални синџири на дел од паркиралиштето.
„Дополнително, Судот го задолжува „Никофон“ во иднина да се воздржи од вакви дејства и да ја врати првобитната состојба на паркиралиштето. Имено, на овој простор „Никофон“ најавил дека ќе гради нова катна гаража, на чиј предлог и граѓаните се спротивставија со дежурање на просторот пред нивните згради за да го спречат „Никофон“ да ја реализира оваа идеја. Тие велат дека на неколку метри веќе има катна гаража и уште една иста таква би им го нарушила секојдневното живеење“, пишува во соопштението на ПОЦ.
