fbpx

Осуда од Платформата за борба против корупција за партизацијата при изборот на нови членови на ДКСК

Платформата на граѓански организации за борба против корупција цени дека партиските влијанија врз изборот на претседател и членови на Државната комисија за спречување на корупцијата, негативно ќе влијаат врз објективноста и непристрасноста на Комисијата во спроведување на сериозните законски надлежности коишто ги има

-

Платформата на граѓански организации за борба против корупција остро ги осудува, како што велат, партизацијата и изигрувањето на процесот на избор на нови членови на Државната комисија за спречување на корупцијата.

Платформата изрази поддршка на Снежана Камиловска Трповска, која како член на Комисијата за селекција за избор на претседател и членови на новиот состав на ДКСК вчера објави изрази издвоено мислење од Комисијата за селекција, поради, како што рече, необјективно и оркестрирано гласање на останатите членови на Комисијата.

„Како претставник на граѓански сектор од областа на демократијата и владеењето на правото, Снежана Камиловска Трповска покажа целосно различна перцепција за избраните кандидати со што јасно се манифестира и ставот на граѓанските организации за идниот состав. Притоа, изненадува како останатите претставници на Комисијата за селекција изнајдоа компромис за селектираните кандидати и покрај слабите интервју, одбивање на кандидати да одговорат на директни прашања за општествени состојби како процесот на заробеност на државата, високо профилни случаи кои се веќе предмет на работа на сегашната ДКСК, а се дел и од констатирани состојби од Извештајот на Европската Комисија за 2023 год, прашања поврзани со политичка и правосудна поврзаност, тргување со влијание, лобирање“, велат од Платформата за борба против корупција.

Дополнително, велат оттаму, кандидати кои манифестирале одлични познавања од областа, спремност за директен и недвосмсилен одговор и со одлични компетенции не биле добро оценети од страна на другите членови со што им се оневозможило објективно да се борат за позицијата претседател и член на ДКСК.

„Платформата на граѓански организации за борба против корупција цени дека партиските влијанија врз изборот на претседател и членови на Државната комисија за спречување на корупцијата, негативно ќе влијаат врз објективноста и непристрасноста на Комисијата во спроведување на сериозните законски надлежности коишто ги има, како еден од главните чинители во борбата против корупција во земјата“, велат од Платформата.

Предлогот за нов состав на Антикорупциската комисија беше изгласан во вторникот на полноќ. Од пријавените 42 кандидати, беа избрани Цвета Ристовска, Татјана Димитровска, Софија Спасова Медарска, Сервет Демири, Бесник Џемаиљи, Билјана Каракашова Шулев и Зоран Богоевски.

Татјана Димитровска, помошник на главниот државен ревизор – раководител на сектор за ревизија со овластување, според добиените бодови, е предлогот за нов претседател на Антикорупциската комисија.

Овие предлози треба да поминат на собраниската Комисија за избори и именувања, а потоа да одат на пленарна седница во Собранието. Она што е различно од претходниот избор на членови на ДКСК, е тоа што речиси немаше член кој беше избран, а да не биде бодуван со над 90 бода. Овојпат, највисоко рангираната, Татјана Димитровска, има само 70 бодови од извршените интервјуа.

Членови на комисијата кои вршеа бодување на кандидатите беа Ели Панова од ВМРО-ДПМНЕ, Берат Ајдари од ДУИ, Фаница Николоска од СДСМ и Кастриот Реџепи од Демократско движење. Освен нив, во комисијата беа и Јован Андоновски заменик на Народниот правобранител, Никола Додов и Снежана Камиловска Трповска од Советот за соработка со и развој на граѓанскиот сектор.

Познат новиот состав на Антикорупциска – доминираат ревизори и вработени во ДКСК

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Скопскиoт аквадукт – заборавено наследство затрупано со отпад

Душеци од кревети, теписи, автомобилски гуми, завеси, градежен шут, искршени плочки, пластични пишиња. На ваква слика ќе наидете ако појдете да го посетите Скопскиот аквадукт близу Визбегово, покрај булеварот...