По толку многу години, нема да се појави магично ново име, изјави медијаторот во спорот за името со Грција, Метју Нимиц по средбата во Брисел со преговарачите на Македонија и Грција, Васко Наумовски и Адамантиос Василакис.
– Решението ќе биде најдено со политичка волја и добра дипломатија – рече Нимиц, додавајќи дека прашањето за името може да биде решено следната година.
Медијаторот истакна дека климата за решавање на спорот е подобрена и во Грција и во Македонија, но не сакаше да открие дали и за кои предлози се разговарало на средбата, која доаѓа по три години пауза.
