fbpx

Навални погребан во Москва, го испратија илјадници Руси под силно полициско присуство

Околу гробиштата имаше илјадници луѓе. Се извикуваше „Навални“, а некои скандирале „Путин е убиец“, „Русија без Путин“, „Русија ќе биде слободна“, пренесуваат светските медиуми

-

Илјадници Руси го скандираа името на Алексеј Навални изјавувајќи дека нема да им простат на властите за неговата смрт, додека денеска во Москва траеше погребот на најголемиот опонент на Владимир Путин.

На видеата кои се емитуваа во живо од гробиштата Борисовски, мајката на Навални, Људмила и таткото Анатолиј се наведнаа над неговиот отворен ковчег за да го бакнат за последен пат, пренесува Ројтерс.

Околу гробиштата имаше илјадници луѓе. Се извикуваше „Навални“, а некои скандирале „Путин е убиец“, „Русија без Путин“, „Русија ќе биде слободна“, пренесуваат светските медиуми.

И покрај енормното полициско присуство во случај да има безредија и поставените барикади и кај црквата и кај гробиштата, не биле пријавени приведувања.

Фото: Принтскрин, официјален профил на Youtube на Навални

Меѓу присутните на периферијата на Москва беа Борис Надеждин, антивоениот кандидат кој беше дисквалификуван да се бори против Владимир Путин на претседателските избори во Русија овој месец, како и Евгениј Роизман, поранешниот градоначалник на Екатеринбург и истакнат критичар на Путин.

Неколку западни амбасадори, исто така, беа забележани на видеоснимки во живо, вклучувајќи ги и американските, француските и германските претставници.

Навални, најжестокиот критичар на претседателот Владимир Путин во Русија, почина на 47-годишна возраст во затвор, предизвикувајќи обвинувања од неговите поддржувачи дека е убиен. Кремљ негираше каква било вмешаност на државата во неговата смрт.

Властите го прогласија за незаконско неговото движење, опишувајќи го како екстремистичко. Портпаролот на Кремљ, Дмитриј Песков, денеска изјави дека нема што да му каже на семејството на Навални.

https://youtube.com/watch?v=YTzOqjhMjrA%3Fsi%3Ds9mFr9iU82kK7Sfn%2522

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Утре бесплатен влез во музеите и на локалитетите по повод Светскиот ден на спомениците и археолошките локалитети

Светскиот ден на спомениците и археолошките локалитети, 18 Април, утре ќе биде одбележан со бесплатен влез во сите национални установи од областа на заштитата на културното наследство, кои ќе...