Министерството за животна средина и просторно планирање (МЖСПП) соопшти дека пречките во функционирањето на веб страницата на Министерството се отстранети и со тоа сите информации се повторно достапни на јавноста.
„Мета“ вчера извести дека црвените листи на загрозени видови не може да се најдат на веб-страницата на министерството.
Според министерството, од денеска и информациите за Националните црвени листи за што имаше реакции на јавноста во изминатиот период се видливи се достапни на следниот линк.
Веб-страницата на Министерството за животна средина неколку месеци не функционираше, а објаснувањето од оваа институција е дека бил направен недозволен упад.
„Поради хакерски упад на веб страницата дел од содржините, меѓу кои и Националните црвени листи не се достапни на јавноста. Во моментот се работи на решавање на проблемот, се прават напори истите да се обезбедат и зачуваат и се очекува во текот на идната недела веб страницата да биде комплетно функционална“, информираа од Министерството.