Наспроти изнесеното во говорот на холандската коментаторка, Ева Влардингербрук, одржан на конференција на конзервативци, официјалните податоци покажуваат дека процентот на мигранти кои живеат во Лондон, Брисел, Амстердам, Ротердам и Хаг е под 50 проценти, пишува Вистиномер.
Текстот го пренесуваме интегрално:
Рецензираме објава на социјалната мрежа Фејсбук во која се споделува видео во кое зборува холандската коментаторка Ева Влардингербрук. Во коментарите под видеото се оставаат евроскептични коментари на македонски јазик, а самото видео е прегледано над 1.500 пати до денот на пишувањето на оваа рецензија. Она што Влардингербрук го кажува во својот говор е дека мигрантите се во поголем број отколку домашното население во Лондон, Брисел, Амстердам и два други поголеми градови во Холандија. Но, ова не е вистина.
И секако, најголемиот дел од овие имигранти доаѓаат од нехристијански, незападни африкански и средноисточни земји. Заклучокот е дека холандското население веќе е малцинско во најголемиот дел од нашите градови. Така што ќе го извлечам забранетиот заклучок. Теоријата за големата замена не е повеќе теорија туку реалност, вели таа во видеото.
Во Хаг процентот на истите е 37,3 а во Ротердам 32,3 проценти, пишуваат проверувачите на Ројтерс.
Објавата е неточна затоа што во бројките ги вклучува и оние кои се втора генерација мигранти, односно ги вклучува и луѓето родени во Холандија кои имаат родители што доаѓаат од странство, вели портпаролот на Агенцијата за статистика на Холандија за Ројтерс.
Пописот во 2021 година покажа дека 40,6 проценти од популацијата на Лондон не е родена во Велика Британија, според нивната канцеларија за национална статистика, пишува Ројтерс.