Педијатриски пункт во Поликлиниката „Јане Сандански“ во населбата Аеродром ќе почне да работи на 9 јануари, истакна на денешната прес-конференција министерот за здравство, Никола Тодоров.
Пунктот ќе работи секој ден и ќе бидат ангажирани околу 70 лекари педијатри и 70 медицински сестри.
Според Тодоров, во текот на вечерните часови, како и за време на викендите, особено во недела, има поголем број пациенти педијатриски случаи на Клиниката за детски болести во Скопје и на Институтот за белодробни заболувања кај децата – Козле.