Исламска држава денеска објави аудиопорака во која се тврди дека борците од нејзиното египетско крило го убиле Хрватот Томислав Салопек.
Снимката е емитувана eден ден откако на интернет е поставена фотографија од обезглавеното тело, тврдејќи дека станува збор за хрватскиот граѓанин.
– Во покраината Синај, војниците на калифатот го убија хрватскиот заложник, чијашто држава учествуваше во војната против Исламска држава. Истече ултиматумот, а и египетската и неговата влада го напуштија – се вели во официјалната објава на Исламска држава.
Египетското министерство за надворешни работи соопшти дека силите за безбедност „сè уште намаат потврдена информација“ за погубување на хрватскиот граѓанин.