Играта The Silent Age е бесплатна на Epic Games до 6 април. За да ја преземете треба да одите на главниот веб сајт на Epic Games да се регистрирате и потоа да направите клејм на играта.
Станува збор за научнофантастична игра која е point and click авантура со патување низ времето. Првично оваа игра беше наменета за мобилен телефон за разлика од стандардниот тип на вакви авантури што ја прави многу полесна. Таа има карактеристика каде не можете да прогресирате до следна околина ако не ги завршите сите загатки во тој простор и практично самата игра „ве води за рака” и ви ги наговестува решенијата на загатките.
Со временската машина претставена со стискање на копче, скокате во времето од 1976 година до 2012 година каде луѓето се пред изумирање и вие треба да го спасите човештвото.
Минималистичкиот стил придонесува за естетиката иако самата игра не е графички којзнае што. Но, како прогресирате во играта приказната станува сè поинтересна.
Редовната цена на играта е 8 евра, а промоцијата за бесплатна игра важи до 6 април.
