Демократска обнова на Македонија (ДОМ) смета дека најрационално и најправично гласање на дијаспората ќе се овозможи со електронско гласање.
Според партијата, со тоа ќе се обезбеди поголемо учество на дијаспората во изборниот процес, а истовремено ќе се овозможи намалување на трошоците.
„Електронското гласање на дијаспората може овојпат да биде применето и како пилот-проект за цела Македонија и како подготовка за некои следни избори кога ќе имаме изградено силни и независни институции. За електронското гласање како најчиста опција за организирана земја, ДОМ има изградено свој став уште од 2013 година“, се наведува во соопштението на ДОМ.
ДОМ смета дека треба да остане можноста за гласање на дијаспората.
