fbpx

До утре тече пријавувањето на Конкурсот за доделување на наградата „Мето Јовановски“

Наградата „Мето Јовановски“ се доделува секоја година на 10 декември, на Меѓународниот ден на човековите права, а во рамките на овој конкурс може да се доделат најмногу две награди

-

Пријавувањето за доделување на државната награда „Мето Јовановски“ трае до утрешниот ден. Со државната награда „Мето Јовановски“ се оддава највисоко признание за долгогодишни остварувања во областа на промоцијата, заштитата и унапредувањето на човековите права.

Наградата „Мето Јовановски“ се доделува секоја година на 10 декември, на Меѓународниот ден на човековите права, а во рамките на овој конкурс може да се доделат најмногу две награди.

Државната награда им се доделува на поединци, здруженија на граѓани, неформални групи и други правни субјекти, при што истата може да се додели и на странски државјани и на други меѓународни и странски правни субјекти.

На наградениот поединец му се доделува диплома и паричен износ, додека на награденото здружение на граѓани или на друг правен субјект му се доделува само диплома и плакетa. На секој член од наградената неформална група му се доделува диплома и еднаков дел од паричниот износ.

„Паричниот износ за државната награда „Мето Јовановски“ изнесува пет (5) просечни месечни плати во Република Северна Македонија исплатени во последните три месеци од тековната година“, се наведува во објавениот Конкурс.

Иницијатива за доделување на државната награда „Мето Јовановски“ може да поднесат здруженија на граѓани, граѓани, странски државјани, како и други правни субјекти во земјава и во странство.

Подносителите на иницијативата за доделување на државната награда „Мето Јовановски“ треба да достават биографија, портфолио на постигнувањата и опис на акцијата за која сметаат дека предизвикала позитивна промена во одредена област на човековите права за која се поднесува иницијативата.

Текстот на иницијативата (комплетиран) треба да се достави во 15 примероци, а трудовите (книги, публикации и сл.) се третираат како прилози и треба да се достават во најмалку еден (1) примерок.

Иницијативитe треба да се достават во архивата на  Министерството за култура на Република Северна Македонија – Одбор за доделување на државната награда „Мето Јовановски“, ул. „Ѓуро Ѓаковиќ“ бр. 61, Скопје, Република Северна Македонија или по пошта.

Конкурсот трае во периодот од 7 до 17 ноември 2023 година. Повеќе информации од заинтересираните за пријавување за наградата „Мето Јовановски“ може да се најдат овде.

Како критериуми за оценување на иницијативите се назначени:

  • Значајна и долгогодишна работа посветена на заштитата и унапредувањето на човековите права (се потврдува со биографија/портфолио на постигнувања);
  • Спроведена акција, политика или проект кој резултирал со конкретна позитивна промена на полето на човековите права (специфично достигнување или листа на достигнувања);
  • Придонес преку промени во јавната комуникација или промоција на човековите права во јавниот дискурс што предизвикал позитивна промена на планот на човековите права.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Скопскиoт аквадукт – заборавено наследство затрупано со отпад

Душеци од кревети, теписи, автомобилски гуми, завеси, градежен шут, искршени плочки, пластични пишиња. На ваква слика ќе наидете ако појдете да го посетите Скопскиот аквадукт близу Визбегово, покрај булеварот...