fbpx

Деветнаесет пожарникари работеле на санирање на штетите од невремето во Неготино

-

Деветнаесет пожарникари работеле синоќа до 23 часот на санирање на штетите од невремето во Неготино, кое беше проследено со силен ветер и поројни дождови.

„Општина Неготино, од 16:10 до 16:30 часот, беше зафатена од силен ветер и поројни врнежи од дожд, се направени штети, паднати дрва, кровови од куќи и гаражи, паднати бандери, паднати фолии на земјоделци и слично. За санирање на штети на терен биле ангажирани 13 пожарникари со три ПП возила од ТППЕ Неготино и шест пожарникари со 2ПП возила и две пумпи за испумпување на вода од ТППЕ Кавадарци“, информира утрово од Центарот за управување со кризи (ЦУК).

Денеска ќе се утврдуваат штетите на објектите и кај земјоделските култури. Вчера повеќе неготинци апелираа за помош и пријавија штети од невремето. Во градот има искорнати дрвја, паднати бандери, оштетени кровови од куќи и поплавени домови.

„Нашите информации велат дека вакво нешто одамна се нема случено во Неготино. Тешки последици предизвикало невремето кое траело само дваесетина минути. Било со огромна јачина и двапати го менувало правецот. Северно, па југозападно и пак северно. Со себе носело делови од кровни конструкции, дрвја, бандери со ниско напонски дел и жици, уништени и однесени биле лимени и пластични конструкции. Само уште пет до десет минути да потраело невремето, не дај Боже, би било вистинска катастрофа за Неготино“, рече Горан Стојановски, раководител на Сектор за операции и координација при ЦУК, додавајќи дека невремето личело на торнадо.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Нов видеонадзор на граничните премини – дигитални камери и автоматско препознавање на регистарски таблици

Сите гранични премини во земјава добиваат нов видеонадзор – се инсталираат 350 различни типови на дигитални камери, систем за автоматско препознавање на регистарски таблици и централен систем за складирање...