Лидерот на ДУИ, Али Ахмети, вчера се сретна со американскиот амбасадор во земјава, Џес Бејли. Како што соопштија од ДУИ, се разговарало за преговорите околу Договорот од Пржино, за евроатланската интеграција, верскиот екстремизам, учеството на граѓани на Македонија во странски конфликти и за американските инвестиции во земјава.
Ахмети изјавил дека најчувствителните делови од договорот се веќе исполнети, а страните не треба да бараат оправдувања за да го запрат целосното спроведување на обврските.
Ахмети повторно ја истакнал потребата од решавање на прашањето за името, како единствена пречка за зачленување на Македонија во НАТО.
