Русија денеска изврши напад со десетици проектили врз повеќе градови низ Украина во кој загинаа најмалку 20 луѓе и беше погодена детска болница во Киев, соопштија официјални лица а пренесе агенцијата „Франс прес“.
Рускиот напад дојде кога претседателот на Украина Володимир Зеленски требаше да дојде во Варшава, соопшти полската влада, пред тој да одлета на самитот на НАТО во Вашингтон.
„Руските терористи уште еднаш масовно ја нападнаа Украина со проектили. Повеќе градови: Кијив, Днипро, Кривј Риг, Славјанск, Краматорск“, рече Зеленски, наведувајќи ги главните цивилни центри на југот и на истокот на земјата.
„Повеќе од 40 проектили од различен тип. Оштетени се станбени згради, инфраструктура и детска болница“, напиша тој на социјалните мрежи.
Зеленски изјави дека има непознат број луѓе заробени под урнатините на детската болница во Охматдит и не е јасно колку загинале.
Општинските власти претходно соопштија дека најмалку седум лица загинале во ракетите што го погодија Киев.
Руските сили постојано го гаѓаа главниот откако Москва ја нападна Украина во февруари 2022 година, а последниот голем напад врз Киев со дронови и проектили беше минатиот месец.
Во родниот град на Зеленски, Криви Риг, кој постојано беше цел на руските бомбардирања, во нападите загинаа најмалку 10, а ранети се над 30 лица, изјави градоначалникот.
„Во Днепро оштетени се една висока зграда и една деловна зграда. Оштетена е сервисна станица. Има повредени“, додаде гувернерот на Днепропетровск, Сергиј Лисак.
Во источниот регион Доњецк, каде што руските сили зазедоа низа села во последниве недели, регионалниот гувернер рече дека три лица се убиени во Покровск — град кој имаше околу 60.000 жители пред војната.
Засега нема коментар за нападите од Кремљ, но оттаму инсистираат дека руските сили не гаѓаат цивилна инфраструктура.
„Ова гранатирање имаше за цел цивили, ја погоди инфраструктурата, а целиот свет денес треба да ги види последиците од теророт, на кој може да се одговори само со сила“, напиша на социјалните мрежи шефот на претседателската администрација во Киев, Андриј Јермак.
