Малопродажната цена на бензинот ЕУРОСУПЕР БС-95, се намалува за 1,50 денари, а малопродажните цени на ЕУРОСУПЕР БС-98 и на ЕУРОДИЗЕЛ (Д-Е V) се намалуваат за 1 денар, информира Регулаторната комисија за енергетика (РКЕ).
„Имајќи ги предвид влијанијата на овие елементи во формирањето на цените на нафтените деривати според методологијата, малопродажните цени на нафтените деривати согласно методологијата за формирање на цените, се намалуваат во просек за 1,27 отсто“, информира РКЕ.
Новата цена на бензинот ЕУРОСУПЕР БС-95 ќе биде 83 денари за литар, на ЕУРОСУПЕР БС-98 – 85,5 денари, а малопродажната цена на ЕУРОДИЗЕЛ ќе биде 73 денари.
И малопродажната цена на мазутот М-1 НС се намалува за 0,306 денари и ќе изнесува 42,6 денари за килограм.
