Британскиот министер за одбрана, Мајкл Фелон, денеска изјави дека Велика Британија ќе испрати воени бродови да ги надгледуваат руските носачи на авиони во Северното Море и во каналот Ла Манш.
Тој навел дека британската флота „го следи секој чекор на руските бродови“.
Носачот на авиони „Адмирал Кузњецов“ и други руски бродови се движат кон југот од правец на Норвешкото Море кон Северно Море, а ги надгледува британскиот ракетен разорувач „Данкан“, кој стигнал од Портсмут.
Британската морнарица редовно го следи движењето на бродовите, а рускиот носач на авиони се надгледува со поддршка од воздушните сили.
