Бројот на туристите во октомври 2015 година изнесува 61.655, а бројот на ноќевањата изнесува 142.503, објави Државниот завод за статистика.
Бројот на туристите во октомври 2015 година, во однос на октомври 2014 година, е намален за 0,7 отсто, а бројот на ноќевањата е намален за 0,9 отсто.
Бројот на домашните туристи во октомври 2015 година, во однос на истиот период лани, е намален за 5 проценти, а бројот на странските туристи е зголемен за 1,8 отсто.
Бројот на ноќевањата на домашните туристи во октомври 2015 година, во однос на истиот период лани, е намален за 6,7 проценти, а бројот на ноќевањата на странските туристи е зголемен за 3,5 проценти.
Во периодот јануари-октомври 2015 година, во однос на истиот период лани, бројот на туристите е зголемен за 10,1 отсто и тоа: кај домашните туристи има зголемување за 4,7 проценти, а кај странските има зголемување за 14 проценти.
Во периодот јануари-октомври 2015 година, во однос на истиот период лани, бројот на ноќевањата е зголемен за 8,4 проценти и тоа: кај домашните туристи има зголемување за 5,6 проценти, а кај странските има зголемување за 12,5 проценти.
